നഷ്ട്ടപ്രണയം

അഗാധമായ നീലിമയിൽ-

മിഴിരണ്ടും പിടച്ചു വിഹരിക്കുന്ന

സുസ്മേരവരദനായ ആ കാമുകൻ,

ചലിക്കുന്ന മായാചിറകുകൾക്കിടയിൽ

ഒളിപ്പിച്ച മാന്ത്രികച്ചരട്

തൻറെ പ്രാണപ്രേയസിയെ-

അണിയിക്കാനായി

വിഘാതമായ ബന്ധനങ്ങൾക്കിടയിലൂടെ

 ഉഴറുകയാണ്.

തൻറെ പ്രണയിനിയോട്

പറയാൻ മറന്ന ആ ധ്വനി ,

ആ ചരടിൽ ആവാഹിച്ചിരുന്നു.

വിഘടിച്ചു നില്ക്കുന്നതിനെ പിഴുതെറിഞ്ഞ്

തൻറെ പ്രാണനായികയുടെ-

കണ്ണുകളിലേക്ക് അണയുകയായിരുന്നു.

പ്രേമപരവശ്യയായ കാമുകി നയനങ്ങളണച്ചു ,

തൻറെ നൽപ്രിയനുടെ സ്നേഹചുംബനത്തിനായി.

വികാര നിർഭരമായ ആ ഒത്തുചേരലിന്

തെല്ലകലം മാത്രം അവശേഷിക്കെ-

പ്രിയതമയുടെ പ്രണയശ്വാസത്തിനായി 

ദാഹിച്ച ആ ചുണ്ടുകൾ പിടഞ്ഞു.

ഒരു നേരിയ ഞെരുക്കം മാത്രം സമ്മാനിച്ച്,

അവൻ വിടവാങ്ങുകയായിരുന്നു

വിധിയാകുന്ന കരിനിഴൽ,

കാല ചക്ക്രത്തിൻറെ പ്രയാണത്തിൽ,

ഈ ജീവനെയും ബലിയർപ്പിച്ചു.

മൃത്യുവിനൻറെ  കുരുക്കഴിയിൽ നിന്നും 

അവൻ ആ താലിചരട് നെഞ്ചോടുചേർത്തു.

പ്രണയിനിയുടെ കണ്ണുനീർ-

നിറമില്ലാത്ത  രക്തത്തുള്ളികളായി അടർന്നു വീണു 

നഷ്ട്ടപ്രണയത്തിൻറെ ആ മായത്തുള്ളികൾ  

പവിഴപുറ്റുകളായി പരിണമിച്ചു..........