തിരിച്ചറിവ്
ഒരുനാളും തീരാത്ത എൻറെ പ്രതീക്ഷകളും,
ഒരുനാളും തീരാത്ത എൻറെ പ്രതീക്ഷകളും,
ഒരുനാളും മായാത്ത നിൻറെ ഓർമ്മകളും,
ഊഴമെടുത്ത് എന്നെ ആക്രമിക്കുമ്പോൾ-
ഞാനറിഞ്ഞിരുന്നില്ല, എൻറെ കരുത്തിനെക്കുറിച്ച്.
നിലതെറ്റിയ ഭ്രാന്തനെപ്പോലെ അലഞ്ഞപ്പോഴും,
നേരിൻറെ നോവ് ആവുവോളം അനുഭവിച്ചപ്പോഴും,
എൻറെ ജീവൻ എൻറെ കൈകളിൽ തന്നെ ആയിരുന്നുവെന്ന്-
വൈകിയാണ് എനിക്ക് ബോധ്യപ്പെട്ടത്.
ചെയ്തുപോയ പാതകങ്ങളെല്ലാം ഓരോന്നായി വേട്ടയാടുമ്പോഴും,
ചെയ്യുന്ന കർമ്മങ്ങളിൽ നിന്ന് പരാജയപ്പെടുമ്പോഴും,
വിരൽത്തുമ്പിൽ കുടികൊണ്ട ശക്തിപ്രഭാവം-
ഒടുവിലാണ് എനിക്ക് തിരിച്ചറിവേകിയത്.
മാറ്റത്തിൻറെ നാളുകൾ കടന്നുവന്നപ്പോൾ,
മനസ്സിൽ സർവ്വശക്തിയും ആവാഹിച്ച്,
മോഹിച്ച നിമിഷ സുഖങ്ങളെ വിട്ടെറിഞ്ഞ്-
ശരിയുടെ നാൾവഴിയിലൂടെ യാത്ര ആരംഭിച്ചു.
യാത്ര അങ്ങേയറ്റം ക്ലേശകരമാണെങ്കിലും,
ലക്ഷ്യം നാൾക്കുനാൾ അകലുകയാണെങ്കിലും,
എൻറെ ആഗ്രഹങ്ങളും, എൻറെ ചിന്തകളും-
എന്നെ അജ്ജയ്യനായ പോരാളിയാക്കുന്നു.
