ഇ-ലോകം
പുതിയ താളുകളിൽ കഥ പുനഃരുദ്ധരിച്ചു.
നിറഞ്ഞ മനസ്സും പുതിയ ചിന്തകളുമായി,
സർവ്വ ബന്ധനങ്ങളെയും പിഴുതെറിഞ്ഞ്,
പരാജയപ്പെട്ട മണ്ണിൽ തന്നെ അവൻ അവതരിച്ചു.
വിരൽ തുമ്പിൽ മായാലോകം തീർക്കുന്ന-
മന്ത്രവാദികളെ അവൻ കണ്ടു.
നാവിൻ തുമ്പിൽ നിന്ന് വീഴുന്ന-
ഓരോ വാക്കിനും പുതുഭാവം കൽപ്പിക്കുന്ന,
കഥയെഴുത്തുകാരെ അവൻ കണ്ടു.
പണിതീർത്ത ലോകത്തിലെ ഓരോ കണികയും-
പരിശുദ്ധമാണോ എന്നോരായിരം ആവർത്തി,
തിരിഞ്ഞു നോക്കുന്ന സുക്ഷ്മ നിരീക്ഷകരെ അവൻ കണ്ടു.
അവരുടെ മന്ത്രങ്ങളും, തന്ത്രങ്ങളും-
അവൻ ആവരണം ചെയ്‌തു.
അവരുടെ രക്തങ്ങളിലല്ലിഞ്ഞ കാഴ്ചപ്പാടുകളിൽ-
അവൻ ജ്വലിച്ചു.
മേഘവീചികളിലെ സന്ദേശങ്ങൾ തരങ്ങകളായി-
അവന്റെയുള്ളിൽ പ്രവേശിച്ചു.
അവസാനം അവൻ അവരിലൊരാളായി..........
