അനർഘ സ്നേഹം 

മുള്ളുകളാൽ തീർത്ത വേലിക്കകത്ത് 

മന്ത്ര സ്പർശമേൽക്കാതെ 

ആ സുന്ദരസായൂജ്യത്തെ-

വേരുകൾ പരിപാലിച്ചു. 

ചുവന്നു തുടുത്ത കവിളുകളും 

തൂമയേഴുന്ന ശോഭയും 

നീയാം സുന്ദര കുസുമത്തെ 

വിഭിനമാക്കി......

മഴ ചാറ്റൽ നിൻ മേനിയിൽ തൊട്ടുരുമുമ്പോൾ 

ആടിയുലയുന്ന നിൻ മേനിയെ-

വൈകാരിക തലത്തിൽ-

വാക്കുകളൾക്ക് ഉൾക്കൊള്ളാനാകില്ല.

നിനക്കായി അണഞ്ഞ -

മൂന്നു സ്നേഹനാളങ്ങളുണ്ട് 

ഏതു വെളിച്ചമാണ് 

നീ മോഹിക്കുന്നത്?

നിനക്ക് രക്ഷാവലയം തീർത്ത മുള്ളുകളോ ?

നിൻ സുഖമുള്ള ചൂടു കൊതിക്കുന്ന കരി വണ്ടിനെയോ ?

അതോ സ്നേഹം കൊതിച്ച് -

നിൻ ശ്വാസമായി അലിഞ്ഞ മന്ദമാരുതനെയോ ?

നിൻ ചുടുചുംബനം-

ഏതു കാറ്റാണ് കൊതിക്കാത്തത്...

നിൻ മൊഴിയിതളുകളിൽ-

ഏതു മോഹങ്ങളാണ് അലിയാത്തത്.

ഏതു പുരുഷനാണ്-

സ്ത്രീയെ ആഗ്രഹിക്കാത്തത് ?

ഏതു സ്ത്രീയാണ്-

സ്നേഹം കൊതിക്കാത്തത് ?