നിറക്കൂട്ട്

സ്നേഹാർദ്രമാം നിൻ മൊഴിയിതളുകൾ,

അലിഞ്ഞിറങ്ങിയത് എരിഞ്ഞമരുന്ന-

എൻ യൗവനത്തിലായിരുന്നു.

ദീപ്തമായ ആ നയനങ്ങള്ളിലെ ജ്വലനം,

എനിക്കേകിയത് തിരിച്ചു വരുവാനുള്ള

അതിശക്തമായ വെല്ലുവിളിയായിരുന്നു.

കത്തിപടർന്ന എൻ ഹൃദയത്തിലേക്ക്

നീ നിന്നെ തന്നെ നീട്ടി.

എല്ലാം മറച്ചുവെക്കുന്ന ആ മനസ്സ്-

എൻ കാതിൽ മൂള്ളിയത്

ഒരു നാളും മങ്ങി മാഞ്ഞുപോകാത്ത

സൗഹൃദത്തിൻറെ നിറക്കൂട്ടുകളെ കുറിച്ചായിരുന്നു.

ആ നിറക്കൂട്ടിൽ ചാലിച്ച-

നിൻ ആശകളും പ്രതീക്ഷകളും

എൻ മനസ്സിലേക്ക് ആവാഹിച്ചു.

എൻ ജീവനിലേറ്റിയ നിറങ്ങലെല്ലം,

ഞാൻ വരച്ച എൻറെതായ-

ലോകത്തിന് മോടിക്കൂട്ടി.

ആ ലോകത്തിലേക്ക് മനസ്സ് കൊണ്ട് വരവേറ്റത്

നിന്നെ മാത്രമായിരുന്നു.

കാരണം ആ നിറങ്ങളെല്ലാം

നീ എനിക്കു മുമ്പേ ചാലിച്ചതായിരുന്നു.